مدارات الثقافية مجلة محكمة شهرية تعني بالشأن الثقافي
مقالات مشابهة
علاش ذاك الليل إيمان الونطدي
علاش ذاك الليل إيمان الونطدي
إيمان الونطدي*
علاش ذاك الليل يجيني
غنايه مݣروحه
تفيق الوسواس
تفيق التسوال
تفيق غمة مدفونه
ملحفه ب هبال
ياك انا اللي شقيت شون الجفا
دخلت مسلمه
هازا بياضي
ندلل بيا
شكون يشريني كبة حروف
يغزلني قصيده
قصيده مرا
يفضح ذيك الكلام
اللي مستف قوافي ميزان
شكون يخلخل لمزاج
اللي حالف ما يعري المخبي
يعدم المجاز
حيث
انا ماشي ݣمرة تسرح شوفاتها على كسدة الليل
حيث
انا ماشي نجمه تشعل كل ما هاج الظلام
حيث
انا ماشي شميسة مللي يسالي الدفا
تحشم و تغيب ف صدر البحر
و مع الفجر تطل علينا ثاني
تعاود من ثاني تفجر
علاش ذاك الليل
يجيني
غناية مݣروحة
تشهق ف راسي حلمه
تفيق لمرا اللي فيا
لمرا اللي نسيتها
مللي كنتِ ترسمني ديوان
الديوان كتبة ماشي زواق كلام
ذاك الزواق اللي هاز سيفو
يقطع ف المعنى
يستفو قوافي
تنزل القصيده كذبه
زجالة من المغرب
